هذا واحد دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت. 

واحد الشفار دخل لواحد الدار… هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس… و هو يقول ليه داك الشفار: سربي دغية أخاي مصطفى . 

هادي امريكا بغات تصنع صاروخ المهم كلشي شارك معها… ها اللي جاب البياس و ها اللي ساعد باليد العاملة ..و اللي عاون بالفلوس… و حتى سالاو و هما يشوفوا واحد المغربي جايب ورقة كبيرة مكتوب فيها " صنع في المغرب " . 

هدا واحد السيد خدا الدكتوراة في علم الحيوان ولكن الأساتذة دياولو متيقوش أو هما يقولوليه ديرلينا شي تجربة … السيد جاب واحد القطة منين كيصفق عليها كتجي عندو أو هو يقطعليها الرجل الأولى منين صفق عليها جات هو يقطعليها الرجل الثانية منين صفق عليها جات هو يقطعليها الرجل الثالثة منين صفق عليها جات هو يقطعليها الرجل الرابعة منين صفق عليها ما جاتش أو هو يقوليهم نستنتج أننا عندما نقطع للقطة أرجلها الأربعة تفقد حاسة السمع . 

واحد سمع الغوات عند الجيران في نصاصات لليل خرج يشوف أش واقع كالو ليه لما ديال روبيني فيه تسموم رجع لدار سولاتو مراتو أش طاري ياراجل قاليها : واالو غير شربي لييك شي كاس د لما أو نعسي .